Albisteak

MAIATZAK 3, 5 eta 6 - URKIKO SANTIKUTZ JAIAK

URKIKO JAIAK

MAIATZAK 3, 5 eta 6

ITSASONDOKO ERROTA FRONTOIAREN IRISGARRITASUNA

ITSASONDOKO ERROTA FRONTOIAREN IRISGARRITASUNA izeneko obraren kontratazioa sinplifikatutako prozedura ireki bidez kontratatzeko prozedura eta pleguak bideratzea erabaki du Itsasondoko Udalak 2018ko apirilaren 16ean egindako udal osoko bilkuran.

Obrak 402.011,25 eurotako inportea dauka bez barne.

Kontratazioan parte hartzeko pleguak eta proiektua Eusko Jaurlaritzako Kontratazio profilean eta Itsasondoko udaletxean eskuratu daitezke.

Proposamenak aurkezteko azken eguna 2018ko maiatzak 7a eguerdiko 14:00etan.

APIRILAK 9- BATZAR PARTEHARTZAILEA HIRI ANTOLAKETA ALDAKETA PUNTUALA

2010ko uztailaren 29an Itsasondoko Hirigintza Plan Orokorra onartu zen. Bertan urbanizagarri den eremu industrial baten garapena zehazten zen. Garapen hau aurrera eramatea ez da posible izan, baina Beko-kaleko eremuan sortzen diren zirkulazio eta aparkamendu arazoak zuzentzearren, Plan Orokorrean urbanizagarri bezala kalifikatutako eremuko zati batean, Beko kaleko arazoak zuzenduko dituen errotonda eraikitzea planteatu da. Errotonda hori eraikitzeko ezinbestekoa da lehenik arauen aldaketa egitea.

APIRILAK 6, IPUIN KONTALARIA ITSASONDON

Apirilak 6, ostirala, arratsaldeko 17:30etan, Lanku-ren eskutik Kantu eta Kontu ipuin kontakizuna izango dugu Itsasondoko liburutegian.

MARTXOAK 21- MUSIKA ESKOLAN ALDAKETAK, BILERA

Martxoaren 21ean, udaletxeko KULTURGUNEAn, 18:00etan bilera.
Datorren ikasturterako musika eskolarekiko izango diren aldaketen berri eman eta gurasoen ekarpenak jasotzeko!
Orain arteko sistemaren aldaketa eman behar da. Oso garrantzitsua da beraz bilerara etortzea.
Gaur egungo ikasleen gurasoak ez ezik etorkizunean parte hartu nahiko lukeen edonor gonbidatuta.

HERRIBIDE INBENTARIOA PROPOSAMEN AURKEZPENA

Hemen azpian herri bideen inbentario batzarrean aurkeztutako dokumentua daukazu ikusgai.

MARTXOAK 7, ESKULAN IKASTAROAREN HASIERA

Martxoaren 7an hasi eta asteazkenero 14:45etatik 16:45etara eskulan ikastaroa izango da bizi-nahi elkartean.
Ikastaroaren iraupena hiru hilabetekoa izango da.
Anima zaitez

MARTXOAK 10 - EMAKUMEEN NAZIOARTEKO EGUNA

Martxoak 10ean, larunbata, burutuko dira Emakumeen Nazioarteko Egunaren inguruko ekintzak.
Aurtengo egitarauaren berri ematen dizuegu:

12:00etan poteo herrikoia, BATUKALEROEKIN
14:00etan Bazkaria arbel-aitz elkartean, Ainhoa Agirrezabaldegi eta Uxue Alberdirekin.
Bazkarirako tikeak erosteko azken eguna, martxoak 4, igandea izango da.

UDALBATZAK HAINBAT ARAUTEGI ONARTU DITU

Udalbatzak 2018ko otsailaren 19an egindako udal bilkuran, honako erabaki hauek hartu zituela:
— Goiko kaleko gazteguneko eta sormen gelako arautegiak onartzea.
— Itsasondoko udaletxeko erabilera anitzeko gelen arautegiaren aldaketa onartzea.
— Itsasondoko udaletxeko labearen erabilerarako arautegia onartzea.

NAGUSIA 7KO 2. SOLAIRUKO ETXEBIZITZA ERRENTAN EMATEA

Itsasondoko udalak etxebizitza beharrean daudenei errentan ematen dizkie dituen etxebizitzak.
Nagusia 7ko 2. Solairuan dagoen etxebizitza hutsik geratu denez, espediente berri bat ireki da, interesaturik daudenek eskaera egiteko.
Espedientea arautuko duen baldintza plegua udaletxean jaso ahal izango da.
Eskaerak eta dokumentazioa aurkezteko epea MARTXOAK 21ean amaituko da.

Hemen zaude

Albisteak

Orriak